منتديات عراقي وافتخر


 
الرئيسيةالتسجيلدخول

شاطر | 
 

 قصيدة الصراع مع النفس التي لاتقبل الذل والهوان للشاعر الكبير راهي سعيد ال ناطور الشبلاوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بقاياانسان
عضو جديد
عضو جديد



ـمساهماتيـﮯ : 7

مُساهمةموضوع: قصيدة الصراع مع النفس التي لاتقبل الذل والهوان للشاعر الكبير راهي سعيد ال ناطور الشبلاوي   2010-08-13, 15:28

قرأت هذه القصيده في عدة منتديات ادبيه واعجبت بها لما تحمله من معنى كبير

في مضمونها وهو الصراع مع النفس التي تأبى الذل وعرفت ان هذه القصيده للشاعر الديواني

الكبير الشيخ راهي سعيد ال ناطور الشبلاوي (ابو كرار) وبعد لقائي بالشاعر طلبت منه

ان انشر هذه القصيدة وقصائد اخرى فوافق واجزاني لذلك فأقر له بالشكر الجزيل

وهذه هي القصيده


كتلني محايلي ويا الروح

كتلني محايلي ويا الروح اطبعه ردت عالذل
مثل تجبيش نزرة خيل تطاوعني وترد تجفل
مره تكوم مذعوره ومره ترتخي وتسبل
يروحي تخيري شتردين اعيش بروض لو ممحل
تجاوبني وتكلي بروض مايربه ويعيش الصل
صاحتلي وكلت يا حيف وجيت بغيض متحمل
اموت بشرف والعزة تضل وياي كل بكل
وبكت عندي سوالف ضيم اسولفهن لحادي البل
بنيت البيت يالحادي وغريب البيه غصب ينزل
وحسبت الحايط المبني زهاميل وصخر وثجل
زرعت الكاع يلحادي وعرفت الفرهد السنبل
وصرت لاكوط بشتالي الم السنبل من الجل
راسي افتر صرت مجنون مدري الغيري متخبل
اشوفن تنجتل وادم والجتال مايفصل
وشوف اسباع جوعانه وشوف ازنيهر مكصل
ولاوزنة فزع بالضيج نكوم ندابج ونصهل
ولادين اليطر عاكه ولاديان ضل يمهل


وين اهل الكرم والزود ذيج التذبح المطفل
منازلهم غدت خلوان وبطل حيلي عله كل منزل
يحادي اهل الرذيله اسدور عالطيب غدة تبزل
شسولفلك بعد شتريد اسمع قصتي وسجل
سوالفنه اصبحت تمثيل ماضل أليثمن الخل
اسولفلك بعد وحده ولاكن هاي ماتشمل
البعض كام يحلف بخته وخته دايحه ومجعل
هواي اطن بخت ياحيف ماتزعل على التزعل؟؟؟

الرجوع الى أعلى الصفحة اذهب الى الأسفل
http://www.google.com
الحزين 33
عضو جديد
عضو جديد



ـمساهماتيـﮯ : 35
ـعمليـﮯ : طالب/جامعة بغداد
ـمزاجيـﮯ : متوسط

مُساهمةموضوع: رد: قصيدة الصراع مع النفس التي لاتقبل الذل والهوان للشاعر الكبير راهي سعيد ال ناطور الشبلاوي   2011-08-26, 20:48

الله الله حلوووووووووو شكرا ع المشاركه تحياتي
الرجوع الى أعلى الصفحة اذهب الى الأسفل
 
قصيدة الصراع مع النفس التي لاتقبل الذل والهوان للشاعر الكبير راهي سعيد ال ناطور الشبلاوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عراقي وافتخر :: المنتديات الادبــــيـــــة :: منتدى الشعر الشعبي-
انتقل الى: