منتديات عراقي وافتخر


 
الرئيسيةالتسجيلدخول

شاطر | 
 

 جنسيتي محبتك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
همس القلوب
مشرفة قسم العائلة العراقية
مشرفة قسم العائلة العراقية



ـمساهماتيـﮯ : 444
ـعمليـﮯ : student
ـمزاجيـﮯ : حزيــنة

مُساهمةموضوع: جنسيتي محبتك   2009-06-09, 02:37

جنسيتي محبتك


مجنون أبمحبتك يا اعز إنسان
يا أجمل قصيدة و أحلى معزوفة
يا مالك خيالي و فكري يا معسول
اكتب بس إلك كل شعري و حروفه
قافيتي شفافك و الوزن رمشين
و عيونك بحور الشعر موصوفة
صوتك عدّة بالغبشة نغم فيروز
و ام كلثوم من قاموسي محذوفة
ألف ليلة عسل عشناها آني وياك
و الليلة إلّي ضلت اضن معروفة
نگضيهه حضن و نطابگ الشفتين
و نغني و نسولف أحلى سالوفة
يا كلشي بحياتي و يا فرح دنياي
يا من شلت من گليبي كل خوفه
ما أضنك تبيع و لا أبيعك يوم
اكو واحد يبيع گليبه و يعوفه
يالحسنك عجيب و ما اضن موجود
إذا تطلع نشوف الشمس م****وفة
و خطية الگمر يبچي و يون تالي الليل
حدر الغيم يختل صابته الخوفة
يالحسنك ينوّر كل ظلام الكون
إذا قرص الشمس م****وف ذليته
و گمر ليل المحبّة بشوفتك مقهور
إذا حتى الگمر بالليل بچيته
و گلوب الشباب تفرفح امن تفوت
و الشايب بعطرك اضن شليته
و نسوان ألتشوفك منك يغارون
و ألبعده مراهق نظرة أمنيته
و الطفل إلّي يرضع بعده بالكاروك
ضل يمشي وراك و يحچي خليته
و إذا شرطي طلب مني هويتي بيوم
أبرز صورتك تشتعل بيبيته
يفتحلي الطريق بصورتك مبهور
إجلالاً يدنگ و يذب بيريته
جنسيتي محبتك تدري كلش زين
شنو قيمة ليضيّع يوم جنسيته
حبك غيراني و صرت أموت عليك
شتلت گليبك بنص گلبي و سگيته
و الدم إلّي يسري بجسمي ما أحس بيه
دمك يسري بالشريان حسيته
انت العلمتني العشگ و الإحساس
فضلك عالگلب لن يدگ خليته
علّمته البراءة و طفل صار وياك
يمشي و ما يريد ايرد على بيته
فرحان و اجالك تدري يوم العيد
رايد بوسه منك هايه عيديته
يا أجمل بشر خالقك رب الكون
يا أطيب گلب بالصدفة لاگيته
يا أوفى البشر يا حلمي يا دنياي
يا أول شخص من گلبي حبيته
دوّرت شكثر ما شفت مثل شفاك
علاج و كل مرض من بستك نسيته
شلت كل المواجع من گلب تعبان
بيدك جرح الي ابدلالي داويته
يا اسمي الثلاثي و گمر تالي الليل
رسمك بالگلب و بدمي خطّيته
يا قوس و قزح يا مثل للعشاگ
يعشگ گلبي حد الشيب وصيته
فرض سادس أشوفك صار تالي الليل
نسيت الخمسة و السادس أنا أديته
صدّگني احبك حد گطع لأنفاس
لأنك انت حلمي إلّي تمنيته
تمنيتك گبل ما أشوفك امن سنين
حبك بالگلب من زغري ربيته
ما أضيعك من ايدي و لا أفرّط بيك
إلا بحالة گلبي يعوف جنسيته
إذا يلفي عليّة بليلة ملك الموت
اعذر گلبي لمن توصل منيته








«·• عِ ـُـُـلمُـُنٍي گًـبٍـرِياّئي •·»

ألآ آگتِبُ هُمٍوٍمٍيً إلآ عُلىٍ جَدُرٍآنٍ َقِلبُيً ..
الرجوع الى أعلى الصفحة اذهب الى الأسفل
http://www.3ra8i-wa-aft5r.yoo7.com
علي العراقي
مدير المنتدى
مدير المنتدى



ـمساهماتيـﮯ : 139
ـعمليـﮯ : كاعد حديقة
ـمزاجيـﮯ : اسمع اغاني
ـاوسمتيـﮯ :



مجموع الاوسمة : 1


مُساهمةموضوع: رد: جنسيتي محبتك   2009-06-09, 18:47

مشكووووور ع الموضوع القيم
تحياتي علي العراقي
______________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://3ra8i-wa-aft5r.yoo7.com
همس القلوب
مشرفة قسم العائلة العراقية
مشرفة قسم العائلة العراقية



ـمساهماتيـﮯ : 444
ـعمليـﮯ : student
ـمزاجيـﮯ : حزيــنة

مُساهمةموضوع: رد: جنسيتي محبتك   2009-06-10, 01:18

العفو نورت علاوي الوردة
الرجوع الى أعلى الصفحة اذهب الى الأسفل
http://www.3ra8i-wa-aft5r.yoo7.com
الحزين 33
عضو جديد
عضو جديد



ـمساهماتيـﮯ : 35
ـعمليـﮯ : طالب/جامعة بغداد
ـمزاجيـﮯ : متوسط

مُساهمةموضوع: رد: جنسيتي محبتك   2011-08-26, 21:03

نگضيهه حضن و نطابگ الشفتين

Wink شكرااااااا ع القصيده كولش حلووه
الرجوع الى أعلى الصفحة اذهب الى الأسفل
 
جنسيتي محبتك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عراقي وافتخر :: المنتديات الادبــــيـــــة :: منتدى الشعر الشعبي-
انتقل الى: